إزاي ترفع سعرك؟
الغلطة الأشهر إن الفريلانسر بيفضل بنفس السعر سنتين وتلاتة لأنه خايف يخسر العميل
والحقيقة إن العميل اللي هيسيبك عشان رفعت سعرك بشكل معقول، ده مش العميل اللي هتبني عليه مستقبلك
امتى ترفع سعرك؟
لما شغلك اتطور بشكل واضح لو الـ Portfolio بتاعك دلوقتي أحسن بمراحل من زمان ومش سعرك بيعكس ده، في مشكلة
لما طلبات عليك أكتر من وقتك لو بترفض مشاريع لأنك مش لاقي وقت معناها ارفع سعرك. الطلب العالي علامة إن السوق مستعد يدفع أكتر
كل 6 لـ 12 شهر على الأقل التضخم مشكلة حقيقية زي ما اتكلمنا في الموسوعة المالية، وتكلفة حياتك بتزيد. لو سعرك ثابت من سنتين ف إنت في الحقيقة بتاخد أقل
لما بتجيب نتائج موثقة لعملاء حاجات زي "زودت معدل الـ conversion بتاع عميل بـ 40%" ده بيبرر سعر أعلى
إزاي ترفع السعر من غير ما تخسر العميل
مع عملاء جدد: ببساطة ابدأ بالسعر الجديد من أول ما تتكلم معاهم. مش محتاج تشرح أو تعتذر
مع عملاء قدامى: إديهم notice مسبق، شهر على الأقل. الرسالة بتكون كده:
"بعد [X شهر] هشتغل بسعر [السعر الجديد] بدل [السعر القديم]. عايزك تعرف مسبقاً عشان تقدر تخطط. لو عندك مشاريع عايز تخلصها بالسعر الحالي قبل التاريخ ده، يسعدني نشتغل سوا"
ده بيبان احترافي، ومش بيحسس العميل إنه تفاجأ
ترفع قد ايه؟
مفيش رقم ثابت، بس في منطق
10-20% رفعة معقولة ومش هتصدم حد
أكتر من 30% دفعة واحدة ممكن يصدم عملاء قدامى إلا لو شغلك اتغير بشكل جذري
لو عايز ترفع كتير، ارفع تدريجياً على مشاريع جديدة وخلي العملاء القدامى يتحولوا للسعر الجديد بالراحة
مثال عملي
ميشو كان بيشتغل بـ 100 دولار للمشروع
بعد سنة بقى عنده Portfolio قوي وعملاء راضيين وطلب عليه
رفع سعره لـ 150 دولار مع عملاء جدد
العملاء القدامى بعتلهم رسالة إن السعر هيبقى 150 بعد شهرين
واحد منهم راح، التلاتة التانيين فضلوا
اللي راح اتعوض في أول مشروع جديد بالسعر الجديد غير انه بقى فاضي يمسك مشروع جديد بسعر اعلى