التعامل مع الدخل المتغير

الشهر ده 5000، الشهر الجاي 500 وده مش فشل

الموظف عنده رقم ثابت في آخر الشهر، إنت عندك رقم مختلف كل شهر، وده مش عيب لو عرفت تتعامل معاه صح

المشكلة الحقيقية

مش إن الدخل بيتغير

المشكلة إن معظم الفريلانسرز بيصرفوا على أساس الشهر الكويس

شهر جاب 10,000، صرف 9,000

الشهر الجاي جاب 2,000، مش لاقي يكمل

اجمع دخلك آخر 6 شهور واقسمه على 6

الرقم ده هو "راتبك الحقيقي"

اصرف على أساسه، مش على أساس أحسن شهر عندك

الوقت الوحيد اللي تحسب فيه الAverage باحسن شهور عندك هو عند حماك بإذن الله

أول ما أي مبلغ يدخل، خد منه فوراً

20% جانب للضرايب: حتى لو مش متأكد هتدفع ولا لأ، الفلوس دي متلمهاش

10% جانب لصندوق الطوارئ: الشهر الفاضي جاي، بس مش عارف امتى

اللي فضل بعدهم ده دخلك الفعلي

الشهر الكويس: مش وقت تصرف أكتر، وقت تعوض الشهور الوحشة الجاية

الشهر الوحش: مش فشل، جزء طبيعي من الدورة. صندوق الطوارئ موجود عشان كده

ميشو في شهر كويس جاب 12,000

صرف 6,000 زي العادة وحط 6,000 جانب

الشهر الجاي جاب 1,500

مش محتاج يتوتر، عنده احتياطي

الـ Retainer Contract يعني عميل (وغالبا شركة) بيدفعلك مبلغ ثابت كل شهر مقابل عدد ساعات أو مشاريع متفق عليها

ده بيحول جزء من دخلك من متغير لثابت

هدفك إنك يكون عندك على الأقل Retainer واحد يغطي مصاريفك الأساسية، وبعدين أي شغل تاني هو ربح إضافي