هل LinkedIn فيه شغل؟
الإجابة القصيرة: أيوه، بس مش بالطريقة اللي إنت فاكرها
لينكدإن مش موقع شغل (إزااي 
)
أكبر غلطة الناس بتعملها إنهم بيفتحوا LinkedIn ويدوروا على "Job Postings" زي ما بيعملوا على Upwork
لينكدإن مش منصة فريلانس، هم بيقولوا انهم شبكة علاقات مهنية بيحصل فيها شغل كـ side effect
الفرق زي الفرق بين إنك تروح سوق تشتري، وسوق تتكلم فيه كدا
الأرقام الحقيقية
في مصر فيه أكتر من 11 مليون مستخدم على LinkedIn، وفيه أكتر من 900 وظيفة remote في مصر دلوقتي
الزباين الأجانب والشركات الدولية موجودين، وبيدوروا على ناس متخصصين. بس مش هيلاقوك لو Profile بتاعك فاضي أو مش واضح
بيعمل ايه اللي بيجيب شغل من LinkedIn
أولاً: الـ Profile مش CV
الـ Profile بتاعك مش مكانه تحط فيه كل حاجة اشتغلتها لانه ده أول انطباع عند زبون محتمل
الـ Headline مش "Graphic Designer" خليها "Brand Identity Designer for SaaS Companies" مثلاً. كل ما كانت أدق كل ما ظهرت في نتائج بحث أصح
الـ About مش عشان قصة حياتك ده pitch قصير بتقول فيه انت بتحل مشكلة مين وإزاي
تانياً: المحتوى
ناس كتير بتجيب عملاء من LinkedIn من غير ما تدور على حاجة، بس عن طريق إنهم بيكتبوا عن شغلهم وبينطلهم حد عالخاص عايز يشتغل معاهم [صورة للراجل بتاع chatbase]
بوست عن مشروع خلصته، بوست عن مشكلة قابلتها وحليتها، رأيك في حاجة في مجالك
الناس اللي بتشتغل معاك بكره مش اللي شافوا الـ CV بتاعك دول هم اللي شافوا تفكيرك من بروفايلك
تالتاً: التواصل المباشر
لينكدإن بيخليك تكلم أي حد مباشرة ف لو انت شفت شركة محتاجة حاجة بتعملها كلمهم. شفت حد بيشتكي من مشكلة إنت بتحلها؟ رد عليه
اللي مش هينفع
- تبعت "هاي ظير اي ااام فريلانسر بليز هاير مي ام جود وذ فوتوشوب اند ادوبي برمر سانكس
" لـ 100 حد، كدا شكلك هيبقى مشموش أوي - تعمل Profile وتستنى الشغل ينزل عليك من السماء
- تستخدم LinkedIn بس للـ job listings
الخلاصة
لينكدإن مش هيجيبلك شغل بكره لو فتحته النهارده بس هو استثمار طويل لو اشتغلت عليه صح، بيجيب نوع مختلف من العملاء خالص لانك بتوصل لشريحة اكبر من العملاء وبتبني معاهم علاقة فعليا