تبدأ امتى؟

خلينا نبدا ب حدوتة صغيرة، في 1247، في قرية في ضفاف بحيرة على حدود مملكة كبيرة

كان في محارب اسمه كريم

كريم شايف العبث واضح، مملكة بتستعبد القرى المجاورة وهو عارف إنه لازم يتحرك

بس كريم كان عنده مبدأ: "مش هحارب غير لما أكون جاهز"

خطة كريم

السنة الأولى: جمع سيوف

السنة التانية: دور على ناس تقاتل معاه

السنة التالتة: اتعلم استراتيجيات الحرب من كتب قديمة

السنة الرابعة: بنى تحصينات

السنة الخامسة: قرر إنه محتاج خيول أحسن

السنة السادسة: قال "السنة الجاية أبدأ فعلاً"

في قرية تانية، حسن

حسن عنده نص سيف، فرس عجوزة، وتلاتة صحاب بس

بس حسن اتحرك

السنة الأولى: حارب معركة صغيرة وكسب من الغنيمة اشترى سيف تاني

السنة التانية: انضم ليه 20 راجل شافوا انتصاره الأول

السنة التالتة: عنده جيش

مش في معركة

مات وهو نايم في تحصيناته المحاطة بسيوف ما حاربتش وخيول ما اتركبتش وكتب استراتيجية ما اتقريتش

المملكة احتلت قريته وهو لسه بيكمل "التحضير"

ميشو في 2026 و لسه بيكمل كورس الفوتوشوب

بعده هيتعلم كورس Illustrator

بعده يتعلم After Effects

بعده يعمل Portfolio

بعده يبدأ يدور على عملاء

مش لأنه كسول، لأنه خايف

والخوف بيلبس دايماً لبس "التحضير"

مفيش لحظة بتحس فيها بشعور "أنا جاهز"

اللي بتتعلمه وإنت شغال أضعاف اللي بتتعلمه وإنت بتحضر

أول عميل هيعلمك أكتر من 10 كورسات

أول مشروع هيبين إيه اللي ناقصك فعلاً، مش إيه اللي إنت فاكر إنك محتاجه

اول عميل جالي سألته بكل براءة "إزاي بتعمل Invoice"، ولو جالي عميل متأخر عمري ما كنت هتعلم اعمل فاتورة

مش لازم تبقى الأحسن، لازم تبقى كفاية

كفاية إنك تخدم عميل واحد دلوقتي

السلاح الناقص هتجيبه في الطريق، زي حسن بالظبط

لو عندك مهارة بتحل بيها مشكلة لحد تاني، إنت جاهز

مش محتاج Portfolio كامل

مش محتاج موقع

مش محتاج كورس تاني

محتاج تتحرك